ប្រសិនបើលោកអ្នកជាអ្នកនាំចូល ឬ នាំចេញ ឬក៏ជាអ្នកដំណើរមក ឬចាកចេញពីប្រទេសកម្ពុជា ទំព័រនេះនឹងជួយ លោកអ្នកយល់ពីនីតិវិធីនាំចូល ឬ នាំចេញ នូវទំនិញ ឬផលិតផលផ្សេងៗដូចមានរៀបរាប់នៅខាងក្រោម៖ ការនាំចេញ-នាំចូលពាណិជ្ជកម្ម ១. ការចុះបញ្ជី ប្រសិនបើលោកអ្នកមានបំណងចង់នាំចូល ឬ នាំចេញទំនិញពីប្រទេសកម្ពុជា លោកអ្នកត្រូវ៖ ជំហានទី១៖ ចុះបញ្ជីក្រុមហ៊ុនជាមួយនាយកដ្ឋាន ចុះបញ្ជីពាណិជ្ជកម្មនៃក្រសួងពាណិជ្ជកម្ម។ បន្ទាប់មកចុះបញ្ជី សម្រាប់បង់ពន្ធអាករលើតម្លៃបន្ថែមនៅអគ្គនាយកដ្ឋានពន្ធដារនៃក្រសួងសេដ្ឋកិច្ច និងហិរញ្ញវត្ថុ។ ជំហានទី២៖ ចុះបញ្ជីអាករលើតម្លៃបន្ថែម (VAT)នៅអគ្គនាយកដ្ឋានពន្ធដារ។ ជំហានទី៣៖ ចុះប្រតិវេទន៍គយក្នុងប្រព័ន្ធស្វ័យប្រវត្តិទិន្នន័យគយ (ASYCUDA) ជំហានទី៤៖ ចុះបញ្ជីស្នើសុំលេខអត្តសញ្ញាណកម្មអ្នកជាប់ពន្ធ (TIN) នៅអគ្គនាយកដ្ឋានពន្ធដារដដែល។ ជំហានទី៥៖ អ្នកប្រកាសទាំងអស់ (អ្នកនាំចូល ឬអ្នកនាំចេញ) ឈ្មួញកណ្តាលគយ ត្រូវតែចុះ ប្រតិវេទសន៍គយនៅអគ្គនាយកដ្ឋានគយ និងរដ្ឋាករ ក្រៅពីនេះ ស្ថាប័នរដ្ឋាភិបាលផ្សេងៗទៀត អាចមានការទាមទារផ្សេងៗទៀតសម្រាប់អ្នកមានគោលបំណងនាំចូល ឬនាំចេញទំនិញមានការរឹតត្បិត ឬត្រួតពិនិត្យ។
អានបន្ថែម
អត្រាពន្ធនាំចូលទំនិញមកកាន់ប្រទេសកម្ពុជាអាចរកបានដោយអ្នកគ្រាន់តែស្វែងរកមុខទំនិញជាក់លាក់ណាមួយដែលលោកអ្នកមានបំណងចង់នាំចូល។ សូមចុចទីនេះដើម្បីស្វែងរក។
លោកអ្នកអាចរកលេខកូដមុខទំនិញបានដោយចុចនៅទីនេះ និងបន្ដស្វែងរកប្រភេទទំនិញរបស់លោកអ្នក នៅក្នុងទិន្នន័យនៃលេខកូដទំនិញនោះផងដែរ។
លោកអ្នកចាំបាច់បញ្ចេញទំនិញរបស់អ្នកនៅការិយាល័យគយដែលស្ថិតនៅប៉ុស្ដិ៍ព្រំដែនដែលទំនិញរបស់អ្នកឆ្លងកាត់។
នីតិវិធីសម្រាប់ទទួលបាននូវវិញ្ញាបនបត្រប្រភពដើមអាចរកបាននៅទីនេះ ។
អ្នកអាចដាក់ពាក្យសុំលិខិតអនុញ្ញាតនៅឯស្ថាប័នទទួលបន្ទុកសម្រាប់ទំនិញទាំងអស់នោះ។ ដើម្បីដឹងពី ប្រភេទនៃលិខិតអនុញ្ញាត និងទីកន្លែងដែលត្រូវដាក់ពាក្យសុំ លោកអ្នកអាចស្វែងរកទិន្នន័យទំនិញនៅទីនេះ ។
រកមិនឃើញអ្វីដែលអ្នកកំពុងស្វែងរកមែនទេ? សូមទាក់ទងមកយើងដើម្បីសួរបន្ថែម។
© ក្រសួងសេដ្ឋកិច្ច និងហិរញ្ញវត្ថុ ព្រះរាជាណាចក្រកម្ពុជា រក្សាសិទ្ធិគ្រប់យ៉ាង ឆ្នាំ២០២៥
ឌីហ្សាញ និងបង្កើតដោយ Pegotec
គ្រប់គ្រង និងអនុវត្តដោយលេខាធិការដ្ឋាន NTR