អតិថិជនដែលមានបំណងដាក់ពាក្យស្នើសុំអាជ្ញាប័ណ្ណធនធានរ៉ែ ត្រូវធ្វើការចុះបញ្ជី និងទទួលការឯកភាពយល់ព្រមលើឯកសារលទ្ធផលនៃការសិក្សាសមិទ្ធិលទ្ធភាពរបស់ខ្លួន ពីក្រសួងរ៉ែ និងថាមពលជាមុន។

ការដែលមានអាជ្ញាប័ណ្ណធនធានរ៉ែ ជាការតម្រូវចាំបាច់មុននឹងអតិថិជនអាចស្នើសុំទៅក្រសួងស្ថាប័នពាក់ព័ន្ធនូវលិខិតអនុញ្ញាតសម្រាប់ការនាំចេញធនធានរ៉ែក្នុងលក្ខណៈជាប្រភេទផលិតផលសំរេច ដូចជាខ្សាច់ស៊ីលីស និងថ្មបន្ទះ។

សម្រាប់ការនាំចេញធនធានរ៉ែធម្មជាតិគ្រប់ប្រភេទគឺមិនអនុញ្ញាតទេ (អនុក្រឹតលេខ ០៨ ស្តីពីការកំណត់គោលការណ៏វិនិយោគលើធនធានរ៉ែគ្រប់ប្រភេទ)។

អាជ្ញាប័ណ្ណធនធានរ៉ែ ដែលជាការតម្រូវចាំបាច់សម្រាប់ការនាំចេញនាំចូលមានពីរប្រភេទ៖ អាជ្ញាប័ណ្ណស្វែងរុករករ៉ែ និងអាជ្ញាប័ណ្ណឧស្សាហកម្មអាជីវកម្មធនធានរ៉ែ។  អតិថិជនត្រូវមានអាជ្ញាប័ណ្ណស្វែងរុករករ៉ែជាមុន ទើបអាចស្នើសុំអាជ្ញាប័ណ្ណឧស្សាហកម្មអាជីវកម្មធនធានរ៉ែបាន។

ឯកសារនេះបញ្ជាក់ពីការអនុវត្តនិតិវិធីរបស់អតិថិជនក្នុងការស្នើសុំ អាជ្ញាប័ណ្ណស្វែងរុករករ៉ែ។

ក្រសួងរ៉ែ និងថាមពល៖ លេខ៧៩-៨៩, វិថី ប៉ាស្ទ័រ (៥១), សង្កាត់ផ្សារថ្មី៣ ខ័ណ្ឌដូនពេញ រាជធានីភ្នំពេញ កម្ពុជា

Tel: ០២៣​ ២១៩ ៥៧៤

E-mail: info@mme.gov.kh

វែបសាយ:      http://www.mme.gov.kh/

​

ឯកសារភ្ជាប់ រួមមាន៖

• ច្បាប់ចម្លងវិញ្ញាបនប័ត្រចុះបញ្ជីនៅអគ្គនាយកដ្ឋានរ៉ែ
• ប្លង់ទីតាំងស្នើសុំ ដោយមានការបញ្ជាក់ពីអាជ្ញាធរមូលដ្ឋាន
• របាយការណ៏ស្តីពីសមត្ថភាពហិរញ្ញវត្ថុប្រចាំឆ្នាំរយៈពេល៣ឆ្នាំចុងក្រោយ របស់ក្រុមហ៊ុនដោយមានការបញ្ជាក់ពីស្ថាប័នហិរញ្ញវត្ថុ ឬសវនកម្មណាមួយដែលមានសិទ្ធធ្វើអាជីវកម្មក្នុងប្រទេស
• កម្មវិធីការងារស្វែងរុករក និងធ្វើអាជីវកម្ម និងថវិការចំណាយក្នុងរយៈពេលប្រតិបត្តិការធនធានរ៉ែ
• បទពិសោធន៏របស់ក្រុមហ៊ុនក្នុងវិស័យធានធានរ៉ែ និងឧស្សាហកម្មពាក់ព័ន្ធ
• ការសិក្សាវាយតម្លៃផលប៉ះពាល់បរិស្ថាន ផែនការគ្រប់គ្រង ផែនការស្តារឡើងវិញ និងថវិការបំរុងសំរាប់ការស្តារឡើងវិញ
• ផែនការជ្រើសរើសពលករកម្ពុជា និងកម្មវិធីបណ្តុះបណ្តាល

អាជ្ញាប័ណ្ណស្វែងរុករករ៉ែ មានសុពលភាព២ឆ្នាំ ហើយអតិថិជនអាចធ្វើការស្នើសុំអាជ្ញាប័ណ្ណឧស្សាហកម្មអាជីវកម្មធនធានរ៉ែ ពេលណាក៏បានក្នុងរយៈពេលនៃសុពលភាពរបស់អាជ្ញាប័ណ្ណស្វែងរុករករ៉ែនេះ។