តាមរយៈការស្នើសុំនេះ​ មិនមានការចេញលិខិតចុះបញ្ជីអ្នកនាំចូល ផលិតផល និង/ ឬ សារធាតុបំផ្លាញស្រទាប់អូហ្សូនទេ គឺបន្ទាប់ពីមានការសម្រេចអនុញ្ញាតចុងក្រោយ នោះក្រសួងនឹងចុះបញ្ជីជូន ដោយគ្រាន់តែជម្រាបទៅអ្នកស្នើសុំវិញថាបានចុះបញ្ជីរួចហើយ ហើយមិនមានតម្រូវឱ្យអ្នកស្នើសុំបង់កម្រៃសេវាកម្មទេ ហើយការចុះបញ្ជីនេះមានសុពលភាពរហូត។

រាល់ការទទួលគំរូពាក្យស្នើសុំ ការដាក់ពាក្យ ការបង់កម្រៃសេវា និងការទទួលលិខិតគឺធ្វើនៅបញ្ជរច្រកចេញចូលតែមួយរបស់ក្រសួងកសិកម្ម ដែលមានទីតាំងក្នុងទីស្តីការក្រសួង។

បញ្ជរច្រកចេញចូលតែមួយនេះ មានមន្រ្តីមកពីនាយកដ្ឋានត្រូតពិនិត្យ ការបំពុលបរិស្ថាន នៃអគ្គនាយកដ្ឋានបច្ចេកទេសដែលជានាយកដ្ឋានជំនាញក្នុងការផ្តល់សេវាកម្មទៅលើការចេញប្រភេទលិខិតអនុញ្ញាតខាងលើ នៅប្រចាំការដើម្បីបំរើផ្តល់សេវាកម្មទាក់ទងនឹងអង្គភាពរបស់ខ្លួន។

ក្រសួងបរិស្ថាន

• អាសយដ្ឋាន៖ អគារមរតកតេជោ ដីឡូលេខ៥០៣ ផ្លូវកៅស៊ូអមមាត់ទន្លេបាសាក់
  សង្កាត់ទន្លេបាសាក់ ខណ្ឌចំការមន រាជធានីភ្នំពេញ
• លេខទំនាក់ទំនង៖ (+៨៥៥) ២៣ ២១៣ ៩០៨/(+៨៥៥) ២៣ ២២០ ៣៦៩
• គេហទំព័រ៖ ទំព័រដើម | ក្រសួងបរិស្ថាន (moe.gov.kh)

កំណត់ចំណាំទី១

អ្នកស្នើសុំអាចទទួលគំរូពាក្យស្នើសុំពីបញ្ជរច្រកចេញចូលតែមួយរបស់ក្រសួងបរិស្ថាន។

កំណត់ចំណាំទី២

អ្នកស្នើសុំអាចចាត់តំណាងមកដាក់ពាក្យស្នើសុំ តែត្រូវឲ្យមានលិខិតប្រគល់សិទ្ធ ឬលិខិតឧទ្ទេសនាម។

ឯកសារភ្ជាប់រួមមាន៖

• វិញ្ញាបនបត្រចុះបញ្ជីពាណិជ្ចកម្ម

• វិញ្ញាបនបត្រចុះបញ្ជីអាករលើតម្លៃបន្ថែម

ឯកសារភ្ជាប់អាចជាច្បាប់ថតចម្លងដែលមានបញ្ជាក់ពីក្រសួង ស្ថាប័នសាម៉ី។

កំណត់ចំណាំទី៣

ការអនុវត្តនិតិវីធីផ្ទៃក្នុងមានភាពសាមញ្ញ ហើយមិនមានការចេញលិខិតណាមួយនោះទេ។​ ការចុះបញ្ជីនេះមានសុពលភាពរហូត។

បន្ទាប់ពីមានការសម្រេចអនុញ្ញាតចុងក្រោយ ក្រសួងនឹងជម្រាបទៅអ្នកស្នើសុំវិញថាបានចុះបញ្ជីរួចហើយ ហើយអ្នកស្នើសុំអាចដាក់ពាក្យស្នើសុំធ្វើការនាំចូល ផលិតផល និង/ ឬ សារធាតុបំផ្លាញស្រទាប់អូហ្សូនដូចមានចែងក្នុងឧបសម្ព័ន្ធទី១ នៃអនុក្រឹត្យ លេខ៤៧ ស្តីពីការគ្រប់គ្រងសារធាតុបំផ្លាញស្រទាប់អូហ្សូន។