បរិយាយ

សំរាប់ការធ្វើអាជីវកម្មនាំចេញ / នាំចូល ផលិតផលជលផល លើកលែងផលិតផលជលផលកំពុងរងគ្រោះថ្នាក់ដូចមានយោងក្នុងប្រកាសក្រសួង អតិថិជនត្រូវធ្វើការស្នើសុំនូវប្រភេទលិខិតអនុញ្ញាតិដូចខាងក្រោម៖

·        លិខិតអនុញ្ញាតជាគោលការណ៏សំរាប់ការនាំចេញ / នាំចូល

·        លិខិតអនុញ្ញាតការដឹកជញ្ជូនផលិតផលជលផល (សំរាប់ការនាំចេញ / នាំចូល)

ការស្នើសុំគោលការណ៏សំរាប់ការនាំចេញ / នាំចូលជាការតម្រូវមុននឹងអតិថិជនអាចស្នើសុំលិខិតអនុញ្ញាតការដឹកជញ្ជូនផលិតផលជលផលបាន។ ឯកសារនេះបញ្ជាក់ពីការអនុវត្តនិតិវិធីក្នុងការស្នើសុំ លិខិតអនុញ្ញាតការដឹកជញ្ជូនផលិតផលជលផល ។

កន្លែងដាក់ពាក្យស្នើសុំ

រដ្ឋបាលជលផល មិនមានច្រកចេញចូលតែមួយទេ ហើយក៏មិនស្ថិតនៅក្នុងទីស្តីការក្រសួងកសិកម្មដែរ។

ន. ផែនការ ហិរញ្ញវត្ថុ និងសហប្រតិបត្តការអន្តរជាតិ (ន.ផ.ស) ជានាយកដ្ឋានជំនាញក្នុងការផ្តល់សេវាកម្មទៅលើការចេញប្រភេទលិខិតអនុញ្ញាតិខាងលើ។​ រាល់ការទទួលគំរូពាក្យស្នើសុំ ការដាក់ពាក្យ ការបង់កម្រៃសេវា និងការទទួលលិខិតគឺធ្វើនៅន. ផែនការ ហិរញ្ញវត្ថុ និងសហប្រតិបត្តការអន្តរជាតិ។ នាយកដ្ឋាននេះមានទីតាំងក្នុងរដ្ឋបាលជលផល ។

រដ្ឋបាលជលផល ៖

លេខ១៨៦ មហាវិថីព្រះនរោត្តម សង្កាត់ទន្លេបាសាក់ ខ័ណ្ឌចំការមន ភ្នំពេញ

អ៊ីមែល:        sereywath@hotmail.com

ទូរស័ព្ទ:        012 868 815

វែបសាយ:      www.fia.gov.kh/

សំគាល់ 1

អតិថិជនអាចទទួលគំរូពាក្យស្នើសុំនៅន. ផែនការ ហិរញ្ញវត្ថុ និងសហប្រតិបត្តការអន្តរជាតិ (ន.ផ.ស)។

សំគាល់ 2

អតិថិជនអាចចាត់តំណាងមកដាក់ពាក្យស្នើសុំ តែត្រូវឲ្យមានលិខិតប្រគល់សិទ្ធ ឬលិខិតឧទ្ទេសនាម។

​

ឯកសារភ្ជាប់រួមមាន៖

• វិញ្ញាបនបត្រចុះបញ្ជីពាណិជ្ចកម្ម
• វិញ្ញាបនបត្រចុះបញ្ជីពន្ធដារ
• លិខិតអនុញ្ញាតជាគោលការណ៏សំរាប់ការនាំចេញ / នាំចូល (ចេញដោយរដ្ឋបាលជលផល)

រាល់ឯកសារភ្ជាប់ជាច្បាប់ចម្លង ត្រូវមានសេចក្តីបញ្ជាក់លើឯកសារថតចម្លងទាំងនោះដោយក្រសួង ស្ថាប័នសាម៉ី។

សំគាល់ 3

ការអនុវត្តនិតិវីធីផ្ទៃក្នុងត្រូវបានចាប់ផ្តើមពីការិយាល័យជំនាញ និងឆ្លងកាត់តាមឋានានុក្រមមួយចំនួនដែលមានកំនត់ក្នុងច្បាប់។ មុននឹងឈានដល់សេចក្តីសំរេចណាមួយ មន្ត្រីជំនាញអាចនឹងទំនាក់ទំនងទៅអតិថិជនដោយផ្ទាល់ សំរាប់ការបំពេញបន្ថែមចាំបាច់ណាមួយដែលត្រូវការសំរាប់ភាពគ្រប់គ្រាន់នៃការស្នើសុំ។

សំគាល់ 4

បន្តាប់ពីមានសេចក្តីសម្រេចអនុញ្ញាតិលើពាក្យស្នើសុំ មន្ត្រីជំនាញនឹងទាក់ទងទៅអតិថិជនឲ្យមកបង់កម្រៃសេវាក្នុងការចេញលិខិត​ ក្នុងតម្លៃ ៤ម៉ឺនរៀល។

សំគាល់ 5

លិខិតអនុញ្ញាតិមានសុពលភាព៧ថ្ងៃ។ ពេលមកទទួលយកលិខិតអនុញ្ញាតិ អតិថិជនគួរភ្ជាប់មកជាមួយអត្តសញ្ញាណប័ណ្ណ ឬលិខិតសំគាល់ខ្លួនផ្សេងៗ រួមជាមួយនឹងបង្កាន់ដៃទទួលពាក្យ/បង្កាន់ដៃបង់ប្រាក់។