បរិយាយ

ការស្នើសុំលិខិតបញ្ជាក់ទំនិញនាំចូលចំពោះផលិតផលឧស្សាហកម្ម គឺតែងធ្វើដោយអតិថិជនតាមការតម្រូវរបស់សមត្ថកិច្ចពាក់ព័ន្ធ។

ការស្នើសុំលិខិតបញ្ជាក់ទំនិញនាំចូលចំពោះផលិតផលឧស្សាហកម្មណាមួយអាចធ្វើទៅបានលុះត្រាណាតែអតិថិជនឆ្លងកាត់ការស្នើសុំចុះបញ្ជីផលិតផលនោះ ដែលត្រូវអនុលោមតាមបទប្បញ្ញត្តិបច្ចេកទេស ឬស្តង់ដារបញ្ជានៅវិទ្យាស្ថានជាតិស្តង់ដាកម្ពុជា និងទទួលបានអាជ្ញាប័ណ្ណប្រើសញ្ញាចុះបញ្ជីផលិតផលជាមុនសិន។

កន្លែងដាក់ពាក្យស្នើសុំ

រាល់ការទទួលគំរូពាក្យស្នើសុំ ការដាក់ពាក្យ​ ការបង់កម្រៃសេវា និងការទទួលលិខិតគឺធ្វើនៅបញ្ជរច្រកចេញចូលតែមួយរបស់វិទ្យាស្ថានជាតិស្តង់ដាកម្ពុជា  ដែលមានទីតាំងក្នុងអាគារនៃវិទ្យាស្ថានជាតិស្តង់ដាកម្ពុជាដែលមានអាស័យដ្ឋាន៖

អាគារលេខ ៥៣៨ ផ្លូវជាតិលេខ ២ សង្កាត់ចាក់អង្រែលើ ខ័ណ្ឌមានជ័យ ក្រុងភ្នំពេញ ព្រះរាជាណាចក្រកម្ពុជា

ទូរស័ព្ទទំនាក់ទំនង: ០១២ ៨៦៣៧៩២

វែបសាយ:    http://www.isc.gov.kh/

សំគាល់ 1

អតិថិជនអាចទំនាក់ទំនងទៅបញ្ជរច្រកចេញចូលតែមួយរបស់វិទ្យាស្ថានជាតិស្តង់ដាកម្ពុជា ​ ដើម្បីសុំគម្រូពាក្យស្នើសុំ។​

សំគាល់ 2

អតិថិជនអាចចាត់តំណាងមកដាក់ពាក្យស្នើសុំ តែត្រូវឲ្យមានលិខិតប្រគល់សិទ្ធ ឬលិខិតឧទ្ទេសនាម ។ អតិថិជនត្រូវបង់កម្រៃសេវា ១.៥លាន។ បង្កាន់ដៃបង់ប្រាក់មួយច្បាប់នឹងត្រូវប្រគល់មកអតិថិជន​ និងមួយច្បាប់ទៀតត្រូវភ្ជាប់ជាមួយនឹងសំណុំឯកសារពាក្យស្នើសុំ។

​

ឯកសារអមភ្ជាប់សម្រាប់ការស្នើសុំអាជ្ញាប័ណ្ណប្រើសញ្ញាចុះបញ្ជីផលិតផលមាន៖

• ពាក្យស្នើសុំ
• អាជ្ញាប័ណ្ណប្រើសញ្ញាចុះបញ្ជីផលិតផល (ចេញដោយវិទ្យាស្ថានជាតិស្តង់ដាកម្ពុជា)

សំគាល់ 3

ការអនុវត្តនិតិវីធីផ្ទៃក្នុងត្រូវបានចាប់ផ្តើមពីការិយាល័យជំនាញ និងឆ្លងកាត់តាមឋានានុក្រមមួយចំនួនដែលមានកំនត់ក្នុងច្បាប់។ មុននឹងឈានដល់សេចក្តីសំរេចណាមួយ មន្ត្រីជំនាញអាចនឹងទំនាក់ទំនងទៅអតិថិជនដោយផ្ទាល់ សំរាប់ការបំពេញបន្ថែម​ចាំបាច់ណាមួយដែលត្រូវការសំរាប់ភាពគ្រប់គ្រាន់នៃការស្នើសុំដូចជាតម្រូវឲ្យអតិថិជនយកឯកសារបន្ថែមមកផ្តល់ជូនមន្រ្តីជំនាញជាដើម។

សំគាល់ 4

លិខិតបញ្ជាក់នេះមានបញ្ជាក់ពីយថាប្រភេទ បរិមាណទំនិញ និងសុពលភាព (១ឆ្នាំយ៉ាងយូ)។ មានករណីមួយចំនួនដែលអតិថិជនត្រូវបានប្រាប់ឲ្យមកទទួលយកលិខិតបញ្ជាក់ពី នាយកដ្ឋានជំនាញផ្ទាល់តែម្តង។ ពេលមកទទួលយកលិខិតបញ្ជាក់ អតិថិជនគួរភ្ជាប់មកជាមួយអត្តសញ្ញាណប័ណ្ណ ឬលិខិតសំគាល់ខ្លួនផ្សេងៗ រួមជាមួយនឹងបង្កាន់ដៃទទួលពាក្យ/បង្កាន់ដៃបង់ប្រាក់។