·        លិខិតអនុញ្ញាតជាគោលការណ៏សំរាប់ការនាំចេញ / នាំចូល

·        អាជ្ញាបណ្ណនាំចេញ/នាំចូលផលិតផលឈើកែច្នៃ ឬអនុផលព្រៃឈើ

·        លិខិតអនុញ្ញាតដឹកជញ្ជូនផល អនុផលព្រៃឈើនាំចេញ  / នាំចូល

ឯកសារនេះបញ្ជាក់ពីការអនុវត្តនិតិវិធីរបស់អតិថិជនក្នុងការស្នើសុំ អាជ្ញាបណ្ណនាំចេញ/នាំចូលផលិតផលឈើកែច្នៃ ឬអនុផលព្រៃឈើ  ដែលជាការតម្រូវមុននឹងធ្វើការនាំចេញ នាំចូល។

ក្នុងប្រតិបត្តការនាំចេញនាំចូលផល អនុផលព្រៃឈើ អតិថិជនត្រូវស្នើសុំលិខិតអនុញ្ញាតឲ្យដឹកជញ្ជូនផល អនុផលព្រៃឈើទាំងនេះ ទៅ/ចេញពីច្រកព្រំដែន ឬកំពង់ផែ។ ការស្នើសុំលិខិតអនុញ្ញាតឲ្យដឹកជញ្ជូននេះ គឺអាចធ្វើទៅបានក្រោយពេលដែល អតិថិជនទទួលបាននូវអាជ្ញាប័ណ្ណនាំចេញ/នាំចូលផល អនុផលព្រៃឈើរួចហើយ។

ន.ឧស្សាហកម្មព្រៃឈើ និងសហប្រតិបត្តការអន្តរជាតិ(ន.ឧស.ព្រៃឈើ)ជានាយកដ្ឋានជំនាញក្នុងការផ្តល់សេវាកម្មទៅលើការចេញប្រភេទលិខិតអនុញ្ញាតិខាងលើ។​ រាល់ការទទួលគំរូពាក្យស្នើសុំ ការដាក់ពាក្យ ការបង់កម្រៃសេវា និងការទទួលលិខិតគឺធ្វើនៅនាយកដ្ឋានដោយផ្ទាល់ ដោយនាយកដ្ឋានមានការិ.រដ្ឋបាលនិងការិយាល័យហិរញ្ញវត្ថុ​ ដែលស្ថិតនៅក្នុងទីតាំងនាយកដ្ឋានតែមួយ។

ន.ឧស្សាហកម្មព្រៃឈើ និងសហប្រតិបត្តការអន្តរជាតិមានទីតាំងក្នុងរដ្ឋបាលព្រៃឈើ ។

រដ្ឋបាលព្រៃឈើ ៖

លេខ៤០ មហាវិថីព្រះនរោត្តម សង្កាត់ផ្សារកណ្ដាល២ ខ័ណ្ឌដូនពេញ ភ្នំពេញ

ទូរស័ព្ទ:        023 212 201

វែបសាយ:      http://www.forestry.gov.kh/

​

ឯកសារភ្ជាប់រួមមាន៖

• អាជ្ញាប័ណ្ណនាំចេញ/នាំចូលផល អនុផលព្រៃឈើ (ច្បាប់ដើម)
• លិខិតអនុញ្ញាតឲ្យនាំចេញ/នាំចូលរបស់អគ្គនាយកដ្ឋានគយ និងរដ្ឋាករកម្ពុជា (ច្បាប់ចម្លងប្រសិនបើមាន)

ពេលមកទទួលយកអាជ្ញាបណ្ណអតិថិជនគួរភ្ជាប់មកជាមួយអត្តសញ្ញាណប័ណ្ណ ឬលិខិតសំគាល់ខ្លួនផ្សេងៗ រួមជាមួយនឹងបង្កាន់ដៃទទួលពាក្យ។