Updated on : 04-01-2016
យោងប្រកាសលេខ២៩៨ ពណ.ប្រក ចុះថ្ងៃទិ២៩ ខែធ្នូ ឆ្នាំ២០១៥ របស់ក្រសួងពាណិជ្ជកម្ម ស្តីពីនិតិវិធីនៃការចេញវិញ្ញាបនបត្របញ្ជាក់ប្រភពដើមទំនិញទម្រង់ "អ៉េ" តាមប្រព័ន្ធស្វ័យប្រវត្តកម្ម បានអនុញ្ញាតឲ្យផលិតករ ឬអ្នកនាំចេញបោះពុម្ព (print) វិញ្ញាបនបត្របញ្ជាក់ប្រភពដើមទំនិញទម្រង់ "អ៉េ" ដោយខ្លួនឯង ដើម្បីពង្រឹងដល់ការងារផ្តល់សេវាសាធារណៈឲ្យកាន់តែរហ័ស និងប្រកបដោយប្រសិទ្ធភាពខ្ពស់។ ហេតុនេះក្រសួងពាណិជ្ជកម្មមានកិត្តិយសជូនដំណឹងដល់ផលិតករ ឬអ្នកនាំចេញ សភាពាណិជ្ជកម្មកម្ពុជា សហព័ន្ធស្រូវអង្ករកម្ពុជា និងសមាគមន៍រោងចក្រកាត់ដេរកម្ពុជា ដែលមានបំណងស្នើរសុំវិញ្ញាបនបត្របញ្ជាក់ប្រភពដើមទំនិញទម្រង់ "អ៉េ"ទៅបរទេសក្រោមប្រព័ន្ធស្វ័យប្រវត្ត មកចុះកិច្ចសន្យាទទួលយកទម្រង់វិញ្ញាបនបត្របញ្ជាក់ប្រភពដើមទំនិញ "អ៉េ" ពីក្រសួងពាណិជ្ជកម្ម (នាយកដ្ឋាននាំចេញ នាំចូល)តាមតម្រូវការប្រចាំឆមាស។
ជាមួយគ្នានេះដែរ ក្រសួងពាណិជ្ជកម្ម នឹងរៀបចំវគ្គបណ្តុះបណ្តាលជូនផលិតករ ឬអ្នកនាំចេញអំពីការស្នើរសុំចុះឈ្មោះប្រើប្រាស់ប្រព័ន្ធស្វ័យប្រវត្ត
និងការស្នើរសុំវិញ្ញាបនបត្របញ្ជាក់ប្រភពដើមទំនិញទម្រង់ "អ៉េ" តាមប្រព័ន្ធស្វ័យប្រវត្ត នៅថ្ងៃទី០៨ ខែមករា ឆ្នាំ២០១៦ វេលាម៉ោង ០៩ៈ៣០នាទីព្រឹក នៅបន្ទប់បាយ័ន (ជាន់ទី១) នៃទីស្តីការក្រសួងពាណិជ្ជកម្ម ក្រោមអធិបតីភាពឯកឧត្តម សុខ សុភ័ក្រ្ត អគ្គនាយកសេវាពាណិជ្ជកម្ម នៃក្រសួងពាណិជ្ជកម្ម។
អាស្រ័យដូចបានជម្រាបជូនខាងលើ ស្នើរផលិតករ ឬអ្នកនាំចេញ សភាពាណិជ្ជកម្មកម្ពុជា សហព័ន្ធស្រូវអង្ករកម្ពុជា និងសមាគមន៍រោងចក្រកាត់ដេរកម្ពុជា មេត្តាជ្រាប និងផ្សព្វផ្សាយបន្តជូនសមាជិកឲ្យបានជ្រាបជាព័ត៌មាន និងចូលរួមតាមការគួរ។
Title | Category | Created On |
---|---|---|
The 15th Exhibition of Khmer Products and International Import-Export products | Announcement | 2020-10-12 16:29:16 |
ASEAN-Wide Self-Certification-AWSC is implemented from 20th September 2020 | Announcement | 2020-10-12 16:14:39 |
40th INDIA CARPET EXPO – VIRTUAL EXHIBITION | Announcement | 2020-08-06 14:29:49 |
The implementation of Automated e-ATIGA Form D from 1st June 2020 | Announcement | 2020-08-06 11:20:31 |
The Extension of Electronic Business Re-registration till 30 July 2016 | Announcement | 2016-07-25 16:00:40 |
Contact Us! If you cannot find what you require in this website please feel free to contact us. Click here to send us a message >>> |