Updated on : 22-02-2019
,
ដោយ គង់ សូរិយា
ភ្នំពេញ៖ ក្រសួងពាណិជ្ជកម្ម សហការជាមួយសហភាពសហព័ន្ធយុវជនកម្ពុជានឹងរៀបចំពិព័រណ៍ពាណិជ្ជកម្មផលិតផលខ្មែរ ក្នុងព្រឹត្តិការណ៍សង្ក្រាន្តឆ្នាំ២០១៩ ស្ថិតនៅខេត្តព្រៃវែង បាត់ដំបង និងខេត្តបន្ទាយមានជ័យ។
យោងតាមសេចក្ដីជូនដំណឹងរបស់ក្រសួងពាណិជ្ជកម្ម ដែល Propertyarea.asia ទទួលបាននៅព្រឹកថ្ងៃទី១៩ ខែកុម្ភះនេះបានឲ្យដឹងថា ក្រៅពីការអបអរសាទរបុណ្យជាតិ ពិព័រណ៍នេះ នឹងជួយបង្កើនភាពសប្បាយរីករាយដល់យុវជន និងប្រជាជនខ្មែរ ដែលបានមកជួបជុំគ្នាក្នុងនាមជាមហាគ្រួសារខ្មែរ នារដូវចូលឆ្នាំប្រពៃណីជាតិ និងចូលរួមទស្សនាការដាក់បង្ហាញផលិតផលខ្មែរ ថ្មីៗប្លែកៗ អមដោយការលេងល្បែងប្រជាប្រិយចម្រុះមុខ និងការសម្តែងសិល្បៈ ក្នុងពេលរាត្រីផងដែរ។
ក្រសួងពាណិជ្ជកម្មបានជំរុញដល់ម្ចាស់សហគ្រាស ពាណិជ្ជករ ផលិតករ និងអាជីវករ ដែលមានបំណងទៅចូលរួមផ្សព្វផ្សាយ និងដាក់តាំងលក់ផលិតផលក្នុងព្រឹត្តិការណ៍នេះ សូមមកទាក់ទង និងបំពេញបែបបទនៅនាយកដ្ឋានកិច្ចការពិព័រណ៍ នៃអគ្គនាយកដ្ឋានជំរុញពាណិជ្ជកម្ម ក្រសួងពាណិជ្ជកម្ម ចាប់ពីថ្ងៃជូនដំណឹងនេះរហូតដល់ ថ្ងៃទី០១ ខែមេសា។
ព្រឹត្តការណ៍រៀបចំ ពិព័រណ៍ពាណិជ្ជកម្មផលិតផលខ្មែរ ក្រសួងពាណិជ្ជកម្មនឹងប្រារព្ធធ្វើឡើងរយៈពេល៥ថ្ងៃជាប់គ្នា គិតចាប់ពីថ្ងៃទី១២ ដល់ថ្ងៃទី១៦ ខែមេសា ឆ្នាំ២០១៩ នៅក្នុងខេត្តព្រៃវែង បាត់ដំបង និងខេត្តបន្ទាយមានជ័យ៕
source:
https://www.propertyarea.asia/%E1%9E%80%E1%9F%92%E1%9E%9A%E1%9E%9F%E1%9E%BD%E1%9E%84%E1%9E%96%E1%9E%B6%E1%9E%8E%E1%9E%B7%E1%9E%87%E1%9F%92%E1%9E%87%E1%9E%80%E1%9E%98%E1%9F%92%E1%9E%98%E1%9E%93%E1%9E%B9%E1%9E%84%E1%9E%9A%E1%9F%80-2/
Title | Category | Created On |
---|---|---|
Cambodia reviews trading policy and strategy | News | 2020-12-29 15:06:28 |
Cambodia exports more than 300,000 tonnes of bananas in 2020 | News | 2020-12-29 15:04:01 |
Cambodia-China FTA, RCEP key driver for economic growth in post-COVID-19 era | News | 2020-12-29 11:36:12 |
Sino-Cambodian ties deeper-rooted after joint COVID-19 fight, bilateral FTA signing | News | 2020-12-25 11:41:20 |
"Kampot Pepper” gets international recognition in 32 countries | News | 2020-12-25 10:55:51 |
Contact Us! If you cannot find what you require in this website please feel free to contact us. Click here to send us a message >>> |