បរិយាយ

កន្លងមក មិនមានការនាំចេញស្នាដៃភាពយន្ត និងវីដេអូរបស់កម្ពុជាទៅបរទេសទេ ហើយសម្រាប់ការនាំចូលរបស់អតិថិជនដែលជាក្រុមហ៊ុន (មានចុះបញ្ជីពាណិជ្ជកម្មនៅក្រសួងពាណិជ្ជកម្ម) ត្រូវអនុវត្តនិតិវិធីស្នើសុំដូចខាងក្រោម៖

ត្រូវសុំលិខិតអនុញ្ញាតប្រកបអាជីវកម្មនាំចេញ នាំចូល

↓

ពេលនាំចូលរឿងមក ត្រូវយករឿងនោះមកចុះបញ្ជីរឿង ដើម្បីជាការផ្សព្វផ្សាយដល់ក្រុមហ៊ុនដទៃទៀតដឹងលឺថារឿងមួយហ្នឹងត្រូវបានក្រុមហ៊ុននាំចូលមកហើយ មិនអាច ឬមិនត្រូវនាំចូលមកជាន់គ្នាទេ (ទោះជាមានការស្នើសុំ ក៏ក្រសួងមិនអនុញ្ញាតសិទ្ទឲ្យដែរ)។​

↓

ធ្វើប្រូសេសទៅលើរឿង និងស្នើសុំចុះទិដ្ឋការរឿងដើម្បីទទួលបានសិទ្ធផ្សព្វផ្សាយ 

ការស្នើសុំនាំចូល និងផ្សព្វផ្សាយស្នាដៃភាពយន្ត និងវីដេអូ គឹមិនមានទាក់ទងនឹងស្ថាប័នគយទេ នៅពេលបច្ចុប្បន្ននេះ។

ឯកសារនេះបញ្ជាក់ពីនិតិវិធីអនុវត្តរបស់អតិថិជនក្នុងការស្នើសុំ លិខិតបញ្ជាក់ការចុះបញ្ជីទិដ្ឋាការស្នាដៃភាពយន្ត និងវីដេអូ។

កន្លែងដាក់ពាក្យស្នើសុំ

ក្រសួងវប្បធម៌ និងវិចិត្រសិល្បៈមិនមានបញ្ជរច្រកចេញចូលតែមួយទេតែការិយាល័យ និងនាយកដ្ឋានជំនាញ ស្ថិតនៅក្នុងទីស្តីការក្រសួង ដែលនឹងផ្តល់ពត៌មានចាំបាច់ និងសម្របសម្រួលក្នុងការផ្តល់សេវាកម្មដល់អតិថិជនទាក់ទងនឹងការចេញលិខិតអនុញ្ញាតដោយអង្គភាពរបស់ខ្លួន រួមទាំងកិច្ចការទទួលពាក្យនិងឯកសារស្នើសុំ ចេញបង្កាន់ដៃទទួលពាក្យ ទទួលប្រាក់កម្រៃសេវា ចេញបង្កាន់ដៃទទួលប្រាក់ និងប្រគល់លិខិតអនុញ្ញាតទៅឲ្យអតិថិជន។

នាយកដ្ឋានសិល្បៈភាយយន្ត និងផ្សព្វផ្សាយវប្បធម៌ ដែលស្ថិតនៅក្នុងទីតាំង៖

ទីស្តីការក្រសួងវប្បធម៌ និងវិចិត្រសិល្បៈ

អាគារលេខ ២២៧ មហាវិថីព្រះនរោត្តម សង្កាត់ទន្លេបាសាក់ ខណ្ឌចំការមន រាជធានីភ្នំពេញ

ទូរស័ព្ទ: 023218148

វែបសាយ:      http://www.mcfa.gov.kh/

សំគាល់ 1

អតិថិជនអាចទំនាក់ទំនងទៅការិ.រដ្ឋបាល នៃន.សិល្បៈភាពយន្ត និងផ្សព្វផ្សាយវប្បធម៌ នៃអគ្គនាយកដ្ឋានបច្ចេកទេសវប្បធម៌ដោយផ្ទាល់​ ដើម្បីសុំគម្រូពាក្យស្នើសុំ​ ។

សំគាល់ 2

បើអតិថិជនយករឿងច្រើនមកចុះទិដ្ឋការក្នុងពេលតំណាលគ្នា នោះក្រុមហ៊ុនដែលមកដាក់ពាក្យ បំពេញលើបែបបទពាក្យស្នើសុំតែ១ទេ។

ឯកសារភ្ជាប់ មានដូចជា៖

• លិខិតព្រមព្រៀង ឬកិច្ចសន្យាផ្តល់សិទ្ធពីមា្ចស់រឿងដើម ឬផលិតករ មកឲ្យអតិថិជន

សំគាល់ 3

ការអនុវត្តនិតិវីធីផ្ទៃក្នុងត្រូវបានចាប់ផ្តើមពីការិយាល័យជំនាញ និងឆ្លងកាត់តាមឋានានុក្រមមួយចំនួនដែលមានកំនត់ក្នុងច្បាប់ ដោយមានជាគណកម្មការមួយដែលតែងតាំងឡើងសំរាប់ធ្វើការត្រួតពិនិត្យខ្លឹមសារ និងរូបភាព។

សំគាល់ 4

បន្តាប់ពីការចេញសេចក្តីសម្រេចអនុញ្ញាតិលើពាក្យស្នើសុំ មន្ត្រីជំនាញនឹងទាក់ទងទៅអតិថិជនឲ្យមកបង់កម្រៃសេវាកម្ម។ ត្រូវបង់កម្រៃxxxរៀល។

សំគាល់ 5

លិខិតបញ្ជាក់ទិដ្ឋការ១ គឺចេញឲ្យសំរាប់រឿង១។