Procedure Name ពាក្យស្នើសុំលិខិតអនុញ្ញាតដឹកជញ្ជូនសម្រាប់ការនាំចេញ / នាំចូល សត្វព្រៃ គ្រាប់ពូជរុក្ខជាតិព្រៃ ឬប្រភេទរុក្ខជាតិព្រៃ
Description

បរិយាយ

សំរាប់ការធ្វើអាជីវកម្មនាំចេញ / នាំចូល សត្វព្រៃ      គ្រាប់ពូជរុក្ខជាតិព្រៃ ឬប្រភេទរុក្ខជាតិព្រៃ អតិថិជនត្រូវធ្វើការស្នើសុំនូវប្រភេទលិខិតអនុញ្ញាតិដូចខាងក្រោម៖

·        លិខិតអនុញ្ញាតជាគោលការណ៏សំរាប់ការនាំចេញ / នាំចូល

·        លិខិតអនុញ្ញាតសំរាប់ការនាំចេញ / នាំចូល (សាយតេស)

·        លិខិតអនុញ្ញាតការដឹកជញ្ជូន (សំរាប់ការនាំចេញ / នាំចូល)

 

ឯកសារនេះបញ្ជាក់ពីការអនុវត្តនិតិវិធីរបស់អតិថិជនក្នុងការស្នើសុំ លិខិតអនុញ្ញាតការដឹកជញ្ជូនសត្វព្រៃ គ្រាប់ពូជរុក្ខជាតិព្រៃ ឬប្រភេទរុក្ខជាតិព្រៃនាំចេញ  / នាំចូល ។

ក្នុងប្រតិបត្តការនាំចេញនាំចូលសត្វព្រៃ គ្រាប់ពូជរុក្ខជាតិព្រៃ ឬប្រភេទរុក្ខជាតិព្រៃ អតិថិជនត្រូវស្នើសុំលិខិតអនុញ្ញាតឲ្យដឹកជញ្ជូនសត្វព្រៃ គ្រាប់ពូជរុក្ខជាតិព្រៃ ឬប្រភេទរុក្ខជាតិព្រៃទាំងនេះ ទៅ/ចេញពីច្រកព្រំដែន ឬកំពង់ផែ។ ការស្នើសុំលិខិតអនុញ្ញាតឲ្យដឹកជញ្ជូននេះ គឺអាចធ្វើទៅបានក្រោយពេលដែល អតិថិជនទទួលបាននូវលិខិតអនុញ្ញាតនាំចេញ/នាំចូល (សាយតេស) សត្វព្រៃ គ្រាប់ពូជរុក្ខជាតិព្រៃ ឬប្រភេទរុក្ខជាតិព្រៃរួចហើយ។

កន្លែងដាក់ពាក្យស្នើសុំ

រដ្ឋបាលព្រៃឈើ មិនមានច្រកចេញចូលតែមួយទេ ហើយក៏មិនស្ថិតនៅក្នុងទីស្តីការក្រសួងកសិកម្មដែរ។

ន. សត្វព្រៃ និងជីវចម្រុះ ជានាយកដ្ឋានជំនាញក្នុងការផ្តល់សេវាកម្មទៅលើការចេញប្រភេទលិខិតអនុញ្ញាតិខាងលើ។​ រាល់ការទទួលគំរូពាក្យស្នើសុំ ការដាក់ពាក្យ ការបង់កម្រៃសេវា និងការទទួលលិខិតគឺធ្វើនៅនាយកដ្ឋានដោយផ្ទាល់ ដោយនាយកដ្ឋានមានការិ.រដ្ឋបាលនិងការិយាល័យហិរញ្ញវត្ថុ​ ដែលស្ថិតនៅក្នុងទីតាំងនាយកដ្ឋានតែមួយ។

ន.​ សត្វព្រៃ និងជីវចម្រុះ មានទីតាំងក្នុងរដ្ឋបាលព្រៃឈើ ។

 

រដ្ឋបាលព្រៃឈើ ៖

លេខ៤០ មហាវិថីព្រះនរោត្តម សង្កាត់ផ្សារកណ្ដាល២ ខ័ណ្ឌដូនពេញ ភ្នំពេញ

ទូរស័ព្ទ:        023 212 201

វែបសាយ:      http://www.forestry.gov.kh/



កំណត់សម្គាល់

សំគាល់ 1

ពាក្យស្នើសុំមិនមែនជា Form ទេ តែជាលិខិតស្នើសុំ ដែលមានគម្រូស្រាប់នៅរដ្ឋបាលព្រៃឈើ។ អតិថិជនអាចទទួលគំរូលិខិតស្នើសុំនៅការិ.រដ្ឋបាល នៃន. សត្វព្រៃ និងជីវចម្រុះ។

សំគាល់ 2

អតិថិជនអាចចាត់តំណាងមកដាក់ពាក្យស្នើសុំ តែត្រូវឲ្យមានលិខិតប្រគល់សិទ្ធ ឬលិខិតឧទ្ទេសនាម។

ឯកសារភ្ជាប់ រួមមាន៖

  • លិខិតអនុញ្ញាតនាំចេញ/នាំចូល (សាយតេស) សត្វព្រៃ គ្រាប់ពូជរុក្ខជាតិព្រៃ ឬប្រភេទរុក្ខជាតិព្រៃ (ច្បាប់ដើម)
  • លិខិតអនុញ្ញាតឲ្យនាំចេញ/នាំចូលរបស់អគ្គនាយកដ្ឋានគយ និងរដ្ឋាករកម្ពុជា (ច្បាប់ចម្លងប្រសិនបើមាន)

សំគាល់ 3

ការអនុវត្តនិតិវីធីផ្ទៃក្នុងត្រូវបានចាប់ផ្តើមពីនាយកដ្ឋានជំនាញ និងឆ្លងកាត់តាមឋានានុក្រមមួយចំនួនដែលមានកំនត់ក្នុងច្បាប់រហូតដល់មានការអនុម័តយល់ព្រមជាចុងក្រោយ។

សំគាល់ 4

តម្លៃសេវាកម្ម ដែលបានកំណត់ក្នុងប្រកាសរួមរបស់ក្រសួងសេដ្ឋកិច្ច​​ និងក្រសួងកសិកម្ម ស្តីពីការផ្តល់សេវាសាធារណៈរបស់ក្រសួងកសិកម្ម គឺ១លានរៀល។

សំគាល់ 5

ពេលមកទទួលយកលិខិតអនុញ្ញាតិ អតិថិជនគួរភ្ជាប់មកជាមួយអត្តសញ្ញាណប័ណ្ណ ឬលិខិតសំគាល់ខ្លួនផ្សេងៗ រួមជាមួយនឹងបង្កាន់ដៃទទួលពាក្យ។ លិខិតអនុញ្ញាតសាយតេសសំរាប់ការនាំចេញ/នាំចូលសត្វព្រៃ គ្រាប់ពូជរុក្ខជាតិព្រៃ ឬប្រភេទរុក្ខជាតិព្រៃ មានបញ្ជាក់ពីយថាប្រភេទ បរិមាណ នៃទំនិញ និងសុពលភាពរបស់លិខិត (តាមការកំណត់ក្នុងលិខិតអនុញ្ញាត)។

 

Category Procedure

Forms


Title ការពិពណ៌នា Created Date Updated Date File
លិខិតគំរូនៃពាក្យស្នើសុំការអនុញ្ញាតដឹកជញ្ជូនផលិតផលឈើកែឆ្នៃ ឬអនុផលព្រៃឈើ លិខិតគំរូសម្រាប់សុំការអនុញ្ញាតដឹកជញ្ជូនផលិតផលឈើកែឆ្នៃ ឬអនុផលព្រៃឈើ 2015-04-10 2015-12-04 Download

This procedure applies to the following measures


ឈ្មោះ ប្រភេទ ទីភ្នាក់ងារ ការពិពណ៌នា មតិយោបល់ ច្បាប់ សុពលភាព
តម្រូវការលិខិតដឹកជញ្ជូនសម្រាប់ការនាំចេញផលិតផលព្រៃឈើ និងអនុផលព្រៃឈើ Storage and Transport Requirement ក្រសួងកសិកម្ម រុក្ខាប្រមាញ់ និងនេសាទ ប្រធានរដ្ឋបាលព្រៃឈើ មានសមត្ថកិច្ចក្នុងការផ្តល់លិខិតអនុញ្ញាតដឹកជញ្ជូនផលិតផលព្រៃឈើ និងអនុផលព្រៃឈើ សម្រាប់នាំចេញ នាំចូល ដើម្បីគ្រប់គ្រងការនាំចេញ ការនាំចូលផលិតផលព្រៃឈើ និងអនុផលព្រៃឈើ ច្បាប់ស្តីពីព្រៃឈើ 30/08/2002
តម្រូវការលិខិតដឹកជញ្ជូនសម្រាប់ការនាំចេញផលិតផលព្រៃឈើ និងអនុផលព្រៃឈើ Storage and Transport Requirement ក្រសួងកសិកម្ម រុក្ខាប្រមាញ់ និងនេសាទ ប្រធានរដ្ឋបាលព្រៃឈើ មានសមត្ថកិច្ចក្នុងការផ្តល់លិខិតអនុញ្ញាតដឹកជញ្ជូនផលិតផលព្រៃឈើ និងអនុផលព្រៃឈើ សម្រាប់នាំចេញ នាំចូល ដើម្បីគ្រប់គ្រងការនាំចេញ ការនាំចូលផលិតផលព្រៃឈើ និងអនុផលព្រៃឈើ ច្បាប់ស្តីពីព្រៃឈើ 30/08/2002