| តាមច្បាប់ស្តីពីការគ្រប់គ្រងឱសថ និងច្បាប់ស្តីពីវិសោធនកម្ម នៃច្បាប់ស្តីពីការគ្រប់គ្រងឱសថ ពលរដ្ឋខ្មែរទាំងពីរភេទ ឬជនបរទេសមានសិទ្ធ និងអាចសុំការអនុញ្ញាតពីក្រសួងសុខាភិបាល បើកគ្រឹះស្ថានផលិត និងគ្រឹះស្ថានអាហរ័ណ នីហរ័ណឱសថបាននៅកម្ពុជា។
ការមានអាជ្ញាប័ណ្ណ បើកគ្រឹះស្ថានផលិត និងគ្រឹះស្ថានអាហរ័ណ នីហរ័ណឱសថ គឺជាការតម្រូវមុននឹងអាចទទួលបានសិទ្ធធ្វើពាណិជ្ជកម្មឱសថបាន ដូចជាការនាំចូល ឬនាំចេញ ស្តុក លក់ដុំដល់ឱសថដ្ឋានស្របច្បាប់នូវឱសថ និងឱសថបង្កា (សេរ៉ូម វ៉ាក់សាំង) គ្រប់ប្រភេទសម្រាប់វិស័យសុខាភិបាល រួមទាំងសម្ភារៈ បរិក្ខាពេទ្យ និងទន្តពេទ្យដូចជា material, equipment, instrument, implement, appliance, apparatus, implant, machine, disinfectant, in vitro reagent and calibrator, and software ដែលបម្រើក្នុងវិស័យសុខាភិបាល។ ចំណែកគ្រឹះស្ថានផលិតឱសថបរទេស ក៏ត្រូវធ្វើការចុះបញ្ជីជាមុន មុននឹងអាចទទួលបានការអនុញ្ញាតការនាំចូលផលិតផលឱសថរបស់ខ្លួនមកចែកចាយនៅក្នុងទីផ្សារកម្ពុជា។
ឱសថនិងឱសថបង្កា រួមទាំងសម្ភារៈ បរិក្ខាពេទ្យ និងទន្តពេទ្យដែលអនុញ្ញាតអោយនាំចេញនាំចូលត្រូវមានចុះទិដ្ឋការ បញ្ជីកាជាមុនសិន។
ដូចគ្នានេះដែរ សម្រាប់ការធ្វើពាណិជ្ជកម្មនាំចេញនាំចូលផលិតផលគ្រឿងសំអាង តម្រូវឲ្យមានអាជ្ញាប័ណ្ណ បើកគ្រឹះស្ថានអាហ័រណ នីហ័រណគ្រឿងសំអាង និងចុះប្រវេទន៏ផលិតផលគ្រឿងសំអាងដែលត្រូវនាំចេញនាំចូលនោះជាមុនសិន។
ឯកសារនេះគឹបង្ហាញពីនិតិវិធីក្នុងការស្នើសុំអាជ្ញាប័ណ្ណ បើកគ្រឹះស្ថានអាហ័រណ នីហ័រណឱសថ។ |
